plezurigan viziton !

plezurigan viziton !

22.2.17

Kuiristo.


Ilustraĵo de la japana artisto Gekko Hayashi.
Jen demando : ĉu li kuiras japane ?

Afriko : kiuj estas la plej toleremaj landoj rilate samseksemulojn ?




Sondersploro, realigita en 2016 ĉe 50 000 personoj el 33 afrikaj landoj, montras la situacion rilate al samseksemo. 

Multnombraj estas la afrikaj landoj, kiuj ne toleras samseksemon, kaj eĉ ĝin leĝe sankcias. Cetere la amsinformiloj ofte raportas pri agoj homofobiaj kaj transfobiaj okazintaj ĉie sur la afrika kontinento.
Sondesploro farita de AfroBaromètre montras ke 4 afrikanoj el kvin malmulte aŭ eĉ tute ne ŝatus havi samsekseman najbaron. Sed enreale, la situacio estas pli nuancoplena, ol ĝi unue ŝajnas.
Kvar afrikaj landoj sin montris apartaj, kies loĝantoj asertis, ke vivi apud samseksema najbaro ne ĝenus ilin. La Verdkaba Insularo estas la plej tolerema lando, dank’ al 74% da pozitivaj opinioj. Sekvas Sudafriko kun 69%, Mozambiko kun 56%, kaj fine Namibio kun 55%, kvankam tiu lasta lando plu leĝe sankcias samseksemon.
Male, la maltoleremo kontraŭ samseksemuloj estas plejofta en Senegalo (97%), en Gvineo, Ugando, Burkinafaso kaj Niĝero kun 95% da negativaj respondoj. 
La esploro montras, ke ekzistas interrilato inter la leĝa situacio kaj la toleremo rilate samseksemulojn. Fakte, en la landoj, kie samseksemo ne estas kontraŭleĝa, ekzemple en Sudafriko kaj la Verdkaba Insularo, la akceptnivelo estas pli alta, ol en tiuj, kiuj daŭre kriminaligas ĝin. Tamen, en kelkaj landoj, la civitanoj estas pli progresemaj ol la enlandaj leĝoj, akceptante sufiĉe bone samseksemon, spite al malfavora leĝaro. Tia estas en Namibio kaj Maŭricio, kie la loĝantaro bone akceptas samseksemulojn, dum samseksemo daŭre estas rigardata kiel krimo.  
Krome, eblas ankaŭ montri interrilaton inter la grado de toleremo, la aĝo kaj la eduka nivelo de la respondintoj. La pli junaj kaj pli edukitaj afrikanoj estas ja pli toleremaj, ol la pli maljunaj kaj malpli edukitaj.
Eblas do esperi, ke tiu pensmaniero evoluos, cele al pli bona akcepto de samseksemo, dank’al du rimedoj : edukado kaj malkriminaligo.    

Vizaĝo de l' ĝuego.


de la Markizo de Sado :
Amo pli malutilas al ĝua ekzaltiĝo ol ĝi ĝin servas. 

Sidvangoj de la oka semajno de 2017.


Kenja proverbo :
Se paviano povus vidi sian pugon, ankaŭ ĝi ridegus.

20.2.17

Kiom da ?


Du, tri, kvar portretoj ?
La artiston mi bedaŭrinde ne konas...
Kaj vi ?

Ne malĝoju...


Printempas jam ĉeporde !...

Imitaĵo, mi esperas…




Harojn mi fakte ne tro ŝatas. Des pli kiam temas pri mortigitaj bestoj.
Nu, sciu ke ĉiam kaj ĉiel mi preferos vin sen…

Tanzanio: ministro minacas «publikigi nomojn» de samseksemuloj, por bremsi la kreskadon de aidoso.




La registaro enketas pri «la samseksema sindikato», asertis en Tvitero la tanzania helpministro pri Sano Hamisi Kiguangalla, kiu minacis pasintan sabaton publikigi la nomojn de samseksemuloj, kiuj laŭ li, «komercas» per siaj korpoj. Kaj «tiuj, kiuj pensas, ke tio estas ŝerco, eraras. La registaro havas potencon, kaj arestos ĉiujn, kiuj estas koncernataj».      
Same kiel en 38 el la 54 afrikaj landoj, samseksemo estas severe subpremita en Tanzanio, eĉ povas ricevi punon de porĉiama mallibereco. Sed se la arestadoj estis antaŭege maloftaj, de post la elekto de la prezidento John Magufuli, en novembro 2015, la aŭtoritatoj alprenis «kontraŭ-gejan politikon». 

Legu la tutan artikolon ĉe : neniam milito inter ni.